Transcription
1
Monsieur, me trouvant à la closture de ceste dépêche
2
du roy, je vous ay faict à la haste ce mot pour vous dire
3
que votre dépêche du Ve nous fut seullement randue hyer
4
XVIIIe jullet. Du jour mesme, monsieur d’Hourche parla
5
à la royne et au roy du contenu en icelle. La royne dict
6
qu’elle en parleroit au roy. Le roy fit quelque difficulté sur
7
la qualité du don. Nous estimons que les choses sont par
8
dela en bon estat puis qu’il n’y a poinct heu de recharge.
9
La despêche a séjouné es mains des secrétaires de monseigneur
10
le prince daulphin. J’attens l’opportunité d’en attacher leurs
11
magestés de bonne façon. Ce matin, monsieur le président
12
Fléhard a dict publiquement avoir heu lettre du XIIe
13
de monsieur de Pressin, l’advertissant de la grande maladie
14
où monsieur le président Truchon se treuve et que ledit
15
sieur président dudit jour XIIe luy avoit dict, le visitant, qu’il
16
se cognoissoit du moins au lict d’une très longue
17
maladie et en crainte de n’en relever. Son nepveu Bazemont
18
estoit à se discours présent. Je ballis votre lettre à monsieur
19
Bellieuvre et celle de monsieur de Saint André et luy communiquiei
20
ce que vous en escriviés à monsieur d’Hourches, qui est de
21
retour puis quatre ou cinq jours de Lorrayne. Nostre
22
Segneur luy veuille donner bonne santé. Nous en tiendrons de
23
près leurs magestez. Je ne puis avoir response à voz lettres
24
au roy du Ve. Monsegneur ne treuve pas bon
25
que l’on licentie les compainies que l’on ny voye plus clair.
26
Du vent qui court ce jourdh’uy, nous sommes à la guerre.
27
Les monstres sont publiées au XXIe d’aoust en armes
28
où la companie de monsegneur le prince daulphin estoit ordonnée
29
à Crémieu ce me semble, la vostre à Moyrens, celle de
30
monsieur de Suze à Pierrelate, de monsieur de Maugiron
31
à Beaurepaire. Il se parle de la faire passer en Piedmont
32
et mettre celle de monsieur de Bellegarde dans le Daulphiné
33
[v°] à cause de la controverse qu’il a avec le seigneur Ludovic,
34
lequel Julles Centurion m’a dict que sa companie
35
peut avoir receu de ce jour argent et qu’elle
36
satisfera du tout à ce qu’elle aura heu de présent,
37
qu’est occasion que je n’en importuneray point leurs
38
magestés que je n’aye heu autres novelles de
39
monsieur le procureur du pays et de vous principallement
40
monsieur ; Le sieur de Cugy me dict le XVIIe qu’il
41
avoit receu avec le Cheylard, ung cayer des plainctes
42
que ceulx de la Religion de votre gouvernement font
43
touchant le traictement qu’ilz ont receu puys l’édict
44
de la paix et que j’en advertisse monsieur d’Hourches, d’autant
45
que par ci-devant, ilz l’avoient
46
asseuré qu’ilz n’avoint rien de ce costé comme ilz
47
n’avoint heu, mais que puis peu de jours, on le leur avoit
48
envoyé du Daulphiné. Hyer ilz le vindrent trouver
49
en son lougis et luy ont promis de le luy faire voir. Je n’en ay
50
sceu aucun article, sinon que vous aviez lougé la companie
51
de Centurion à Loriol où l’exercice de leur Religion
52
se faict et que c’est en hayne d’icelle. Il y a, comme
53
Cugy m’a dict, autre cahier contre messieurs de
54
la cour de parlement. Ung des articles d’iceluy est
55
pour l’adjournement personnel donné au sieur de Torchefelon,
56
où l’on faict ung grand discours du réachapt que l’on a
57
voulu faire de la terre de Mornas. Autre chose
58
n’en say-je.
59
Le sieur de Janlis marche pour aller joindre le
60
prince d’Orenge puis le XIIIe de ce moys avec
61
touttes les trouppes qu’estoint sur la frontière,
62
que sont de quatre mil hommes de pied et
63
plus de IIIIc[ent] chevaux. L’on tient que
64
Chepon Vittelly a esté fort blécé devant Mons,
65
aucungz asseurent qu’il soit mort. Tous ceux qui
66
[f° 40] sont du voyage de mer sont partis de ceste cour, le sieur
67
De Gahyer e[s]t le dernier. Le roy a donné au sieur de
68
Sainte-Marie, lieutenant de monsieur de Maugiron, le
69
gouvernement de Dorlan. Il y a quelques contredisans,
70
mais il s’asseure de l’avoir paisible. C’est ung très honneste
71
gentilhomme. Je crains que le voyage de monsieur de Passage
72
ne luy préjudice à venir en sa place. Je voy assez souvent
73
monsegneur le prince daulphin, je luy parleray à quelque
74
occasion de ce que m’escrivez. J’ay envoyé la parcelle
75
du XIIIe de ce moys par la voye du contreroleur
76
des postes. Je présente mes très humbles recommandations
77
à votre bonne grâce, priant Dieu
78
Monsieur, je prie Dieu qui vous conserve en
79
très longue et heureuse vie. De Paris, ce XIXe
80
jullet 1572
81
Votre très humble serviteur
82
Chastellard